Lífeyrissjóður opnar snjallvef

Lífeyrissjóður verzlunarmanna hefur opnað nýja útgáfu af vefsíðu sinni www.live.is. Vefsíðan er þar með orðin sú fyrsta sinnar tegundar sem er sniðin fyrir snjallsíma og spjaldtölvur auk hefðbundinna tölva.

Í tilkynningu frá sjóðnum segir að með breytingunum sé aðgengi sjóðfélaga að upplýsingum um sjóðinn bætt.

Meðal breytinga sem gerðar voru á vefsíðunni má nefna að vefurinn lagar sig nú sjálfkrafa að skjástærð þess tækis sem sækir vefinn. Þá hefur veflesarinn Dóra, sem er á vegum Blindrafélagsins, verið tengdur við vefinn og því er hægt að hlusta á textaefni vefsins.- mþl