Brjálað stuð í Eyjum

Það er óhætt að segja að það hafi verið líf og fjör á Þjóðhátíð í Vestmannaeyjum í gærkvöldi. Talið er að um 15 þúsund manns hafi verið samankomnir og tekið þátt í brekkusöngnum sem Ingó Veðurguð stýrði með miklum sóma.

Auk Ingós stigu Bjartmar, Eyþór Ingi, Bubbi og Páll Óskar á svið og eins og sjá má á meðfyglgjandi myndum sem Óskar P. Friðriksson tók var stemningin frábær.

Ingó veðurguð stýrði brekkusöngnum í fyrsta sinn og tókst vel til. Árni Johnsen, sem stýrt hefur brekkusöngnum um áratugaskeið, var þó ekki langt undan. Hann steig óvænt á svið eftir að Ingó hafði lokið sér af og flutti þjóðsönginn, vel studdur af Þjóðhátíðargestum.

Samkvæmt lögreglunni í Vestmannaeyjum var töluverður erill þar í nótt og voru fangageymslur fullar.