Rotaður í félagsheimili vélhjólaklúbbs

Um klukkan hálf sex í morgun var tilkynnt um líkamsárás í austurborginni þar sem maður væri rotaður.

Einn aðili var handtekinn á vettvangi grunaður um verknaðinn og vistaður í fangageymslu fyrir rannsókn málsins. Þá var einnig grunur um ólöglega sölu áfengis á vettvangi en þar er félagsaðstaða vélhjólaklúbbs.

Ekki er vitað um líðan hins slasaða.

Þá var tikynnt um konu með ófrið á heimili foreldra sinna en konan var í mjög annarlegu ástandi. Konan var vistuð í fangageymslu þar til ástand hennar lagast.

Í morgun var svo tilkynnt um ölvaða konu að ganga eftir Bústaðaveginum. Þegar lögregla hafði af henni afskipti bað hún um gistingu í fangageymslu þar til ástand hennar lagast.