Jóhannes Karl á förum frá ÍA

Knattspyrnudeild ÍA hefur ákveðið að leyfa Jóhannesi Karli Guðjónssyni að ræða við önnur félög og er orðið ljóst að leikmaðurinn er á förum frá ÍA.

Skagamenn féllu úr Pepsi-deildinni í sumar og var Jóhannes fyrirliði liðsins í sumar. Fram kemur á vefsíðu félagsins að leikmaðurinn hafi óskað eftir leyfi stjórnar félagsins til að fara í viðræður við önnur félög.

„Stjórn Knattspyrnufélags ÍA hefur, í samráði við þjálfara og framkvæmdastjóra félagsins, ákveðið að verða við þessari beiðni fyrirliðans og óskar honum alls hins besta í framhaldinu.“