Tekur þá fjóra tíma að setja upp dúkinn

Það er bara vika í fyrri leik Íslands og Króatíu í umspilinu um laust sæti á HM í Brasilíu og það verður mikið um að vera á Laugardalsvellinum í dag.

Vinna er að hefjast við að setja upp dúkinn sem á að verja völlinn í frosthörkum næstu daga en á heimasíðu KSÍ kemur fram að menn byrji að setja upp dúkinn milli tíu og ellefu í dag.

Það er ljóst að menn taka sér sinn tíma í verkefnið. Það mun því taka um fjórar klukkustundir að setja upp dúkinn sem mun verða á vellinum þar til daginn fyrir leik.