Allar íslenskar netverslanir á einni síðu

„Eftir mikla leit af vöru sem ég vissi að fengist á netinu, fann ég loksins netverslunina og þá datt mér í hug að það væri sniðugt að hafa íslenskar netverslanir saman á einum stað,“ segir kerfisfræðingurinn, Þór Sigurðsson.



Hann hefur nú opnað síðuna Kjarni.is þar sem finna má flestar íslenskar netverslanir. Þór segir að það geti reynst erfitt að finna íslenskar netverslanir og það myndi auðvelda viðskiptavinum og eigendum netverslanna ef þær væru saman undir einum hatti.

„Ég fór í það að „gúgla“ allar netverslanir á Íslandi og er núna komin með tæpar tvö hundruð verslanir inn á Kjarni.is. Fólk getur farið inn á síðuna og fundið til dæmis flestar netverlanir sem selja fatnað. Það eru til að mynda svakalega margir með sölusíður á Facebook og því hentugt að getafundið þær allar á einum stað,“ segir Þór.



Hann rak sjálfur netverslun í mörg ár og veit því af eigin raun hvað það getur verið erfitt að reka slíka verslun. „Það er mikil og tímafrek vinna sem fer í það að vera sýnilegur á netinu, Ég held að með því að vera með allar netverslanir á einum stað, aukist líkur á að verslunin nái að blómgast, þetta hjálpar bæði viðskiptavinum og eigendum.“segir Þór að lokum.