Heldur fyrir augun á pabba

Amanda Seyfried ætlar að halda fyrir augun á föður sínum þegar hann horfir á nektarsenurnar í nýjustu mynd hennar, Lovelace.

Hin 27 ára leikkona fer með hlutverk klámstjörnunnar Lindu Lovelace í myndinni en hin raunverulega Linda lék í hinni umdeildu mynd Deep Throat.

Amanda er staðráðin í því að horfa á myndina með pabba sínum, Jack, svo hún geti varað hann við þegar nektarsenurnar nálgast.

„Ég ætla að sitja með honum og koma í veg fyrir að hann sjái brjóstin á mér. Hann má ekki sjá mig nakta,“ sagði leikkonan í viðtali hjá David Letterman á þriðjudaginn.