Þrjú norsk skip enn á loðnumiðunum

Þrjú norsk loðnuskip eru nú á miðunum fyrir austan land og hafa þar frjálsar hendur því ekkert íslenskt skip er nú þar.

Skýringin á því er að íslensku skipin eru langt komin með kvótann og ætla að geyma sér afganginn þar til að hrognafylling verður orðin nægileg til hrognafrystingar, en mun hærra verð fæst fyrir hrognin en loðnuna sjálfa.

Hafrannsóknastofnunin er enn að leita að nýjum loðnugöngum, svo hægt verði að auka við kvótann, en leitin hefur ekki enn borið árangur.