Skólastjóri beðinn um að hætta ekki

Jóhann Geirdal skólastjóri Holtaskóla í Reykjanesbæ hefur verið beðinn um að endurskoða ákvörðun sínan um að segja upp störfum, en hann sagði upp á fimmtudag í síðustu viku vegna óánægju með framlög til skólans. Hann sagði rekstrarkostnað skólans um 15% undir kostnaði skóla í Reykjavík og að skert framlög kæmu niður á sérkennslu við skólann.

Gylfi Jón Gylfason fræðslustjóri Reykjanesbæjar segir að inn í rekstrarkostnaði skóla í Reykjanesbæ sé eingöngu beinharður kostnaður en í Reykjavík sé alls kyns miðlægur kostnaður við menntamál borgarinnar talinn með. Ekki komi til álita að lögbundin þjónusta við börn með sérþarfir eða önnur börn verði ekki eins og lög kveði á um. Í Holtaskóla séu fleiri almennir starfsmenn á hvern nemanda og nemendur almennt færri í hverjum bekk en í Reykjavík. Þessi mál verði öll skoðuð og hann voni að Jóhann Geirdal dragi uppsögn sína til baka.