Réðst með hníf á lögreglumenn

Á fimmta tímanum í nótt var tilkynnt um tvær líkamsárásir, í öðru tilvikinu hafði ferðamaður fengið flösku í höfuðið sem hafði verið hent upp í loftið inn á skemmtistað en í hinu tilvikinu var maður sleginn í höfuðið með flösku svo hann fékk áverka á hnakka. Árásarmaðurinn var handtekinn á staðnum og vistaður í fangageymslu. Hann verður  yfirheyrður síðar í dag.

Þá var talsvert var um útköll vegna hávaða í heimahúsum og lögreglan þurfti að hafa afskipti af manni í Kópavogi sem hringdi stöðugt í Neyðarlínuna.

Ellefu manns voru vistaðir í fangageymslu lögreglunnar á höfuðborgarsvæðinu eftir nóttina, sjö vegna ýmiskonar mála og fjórir fengu þar gistingu.

Nóttin var einnig erilsöm hjá Slökkviliði höfuðborgarsvæðisins. Slökkviliðsmenn sinntu  tuttugu og átta sjúkraflutningum sem er í meira lagi og þá var útkall dælubíls vegna minniháttar bensínleka á Njálsgötu.

Nú í morgun var svo bílvelta við Straumsvík, einn var í bílnum og var hann fluttur á slysadeild.