Segir fjölmörg dómsmál hljóti að vera í uppnámi

Gestur Jónsson lögmaður segir mörg mál af sama toga og skattamál Jóns Ásgeirs Jóhannessonar og Tryggva jónssonar fyrir héraðsdómum landsins.

En Mannréttindadómstóll Evrópu hefur tekið mál þeirra tveggja fyrir og má búast við niðurstöðu um áramótin.

Mannréttindadómstóll Evrópu hefur ákveðið að taka til meðferðar skattamál ákæruvaldsins gegn Jóni Ásgeiri Jóhannessyni, Kristínu Jóhannesdóttur og Tryggva Jónssyni, en öll voru þau dæmd í skilorðsbundið fangelsi í febrúar fyrir skattalagabrot í rekstri Baugs og fjárfestingafélagsins Gaums. 

Gestur Jónsson, lögmaður Jóns Ásgeirs, segir að Jón Ásgeir og Tryggvi hafi verið gert að greiða sektir í fyrra Baugsmálinu, og telur hann því að þeim hafi verið refsað aftur í seinna málinu, fyrir sömu brot. Hann vill því meina að málsmeðferð þremenninganna hafi ekki samrýmst reglum um bann við tvöfaldri refsimeðferð.

Aðspurður segir Gestur mál þremenninganna ekki einstakt í réttarkerfinu:

„Því fer fjarri,“ segir Gestur og bætir við að fjölmörg mál af sama toga séu fyrir Héraðsdómi Reykjavíkur þar sem réttað er yfir fólki sem áður hefur verið refsað í skattkerfinu fyrir sama brot.

„Og þau mál hljóta að vera í uppnámi á meðan þetta mál er fyrir meðferð hjá Mannréttindadómstólnum,“ segir Gestur.

Búast má við því að niðurstaða fáist í málið öðru hvoru megin við næstu áramót. Sigri þremenningarnir má búast við að kröfum um endurupptöku fjölda mála, endurgreiðslur og skaðabætur.