Haukur með flottan leik í öruggum sigri

Haukur Helgi Pálsson skoraði þrettán stig og var næststigahæstur í sínu liði þegar CB Breogán vann öruggan 19 stiga sigur á Club Melilla Baloncesto, 82-63.

Haukur Helgi hitti úr 5 af 10 skotum sínum og var auk stigann 13 með 6 fráköst á þeim 27 mínútum sem hann spilaði. Senegal-maðurinn Michel Diogoye Diouf var stigahæstur með 21 stig.

Þetta er einn besti leikur Hauks fyrir Breogán í vetur en hann er með 6,1 stig og 3,0 fráköst að meðaltali í leik.

Breogán er í þriðja sæti deildarinnar með 7 sigra í 10 leikjum en efstu liðin hafa unnið átta leiki af tíu. Breogan hafði tapað tveimur leikjum í röð fyrir leikinn í kvöld.