Ís­land tapaði fyrir Portúgal

Eftir fyrsta leikhlutann munaði aðeins fjórum stigum en munurinn var kominn upp í níu stig í hálfleik. Íslenska liðið náði aldrei að komast almennilega inn í leikinn í þeim síðari og 13 stiga tap var niðurstaðan. Þjóðirnar mætast aftur á morgun.

Æfingaleikirnir við Portúgal marka formlegt upphaf á nýju körfuboltatímabili hjá kvennalandsliðinu, liði sem er að ganga í gegnum ákveðin kynslóðaskipti. Margir ungir leikmenn eru í leikmannahópnum og fá tækifæri til að heilla landsliðsþjálfarann.

Rebekka Rut Steingrímsdóttir var stigahæst í íslenska liðinu með 12 stig en hin sextán ára Berglind Katla Hlynsdóttir gerði 9 stig og gaf þrjár stoðsendingar.