Milljónir til íslenskra knattspyrnudeilda til eflingar yngri flokka

Félögin í efstu deild Pepsi-deildar karla fá tæplega fjórar milljónir króna frá Knattspyrnusambandi Evrópu þetta árið til eflingar barna- og unglingastarfsemi.

UEFA hefur gert upp Meistaradeild Evrópu á síðustu leiktíð og rennur hluti tekjanna  til eflingar knattspyrnu barna og unglinga. Íslensku félögin í efstu deild karla skipta með sér 47 milljónum og fá því 3.875 milljónir í sinn hlut.

Knattspyrnusamband Íslands leggur 42 milljónir króna til félaga utan efstu deildar. Fá félög í 1. deild karla 1.6 milljónir í sinn hlut, í 2. deild karla 1.1 milljón króna, önnur félög í deildarkeppni og sameiginleg lið í efri deildum 800 þúsund krónur.

Úthlutun er háð því að félög haldi úti starfsemi í yngri flokkum og skulu félög utan deildarkeppni og félög sem ekki halda úti starfsemi hjá báðum kynjum sækja sérstaklega um framlag.

Nánari upplýsingar um skiptingu peninganna má finna á heimasíðu KSÍ.