Áhorfendur bauluðu á Beyonce

Áhorfendur á V Festival í Bretlandi bauluðu á söngkonuna Beyoncé áður en hún steig á svið á sunnudagskvöld. Hún mætti hálftíma of seint og féll það illa í kramið hjá tónleikagestum.

Vegna seinkunarinnar urðu tónleikarnir styttri en ella og voru aðeins um 70 mínútna langir. Þetta var önnur tónlistarhátíð Beyoncé í Evrópu á þessu ári og söng hún lög frá öllum ferli sínum en einnig I Will Always Love You sem Whitney Houston gerði ódauðlegt.

Samkvæmt frétt Nme.com skipti Beyoncé fimm sinnum um klæðnað á meðan á tónleikunum stóð.