Umfjöllun, viðtöl, einkunnir og myndir: Breiðablik - Fylkir 1-4 Guðmundur Marinó Ingvarsson á Kópavogsvelli skrifar 1. september 2013 00:01 mynd/daníel Fylkir skellti Breiðabliki 4-1 í Kópavogi í kvöld í Pepsí deild karla í fótbolta. Fylkir var 3-1 yfir í hálfleik en staðan eftir átta mínútna leik var 2-1. Það tók Fylki aðeins 39. sekúndur að skora. Breiðablik mætti gjörsamlega sofandi til leiks og Kjartan Ágúst Breiðdal gekk á lagið. Breiðablik sýndi lífsmark í kjölfarið og jafnaði metin strax á 5. mínútu þegar vörn Fylkis tók sér sína einu pásu í leiknum og horfðu á Rohde skalla í markið. Þremur mínútum síðar var Kjartan Ágúst aftur að verki og Fylkir komið yfir á ný. Breiðablik var meira með boltann en sóknarleikur liðsins var bitlaus. Liðið náði lítið sem ekkert að nýta kantana og átti í miklum vandræðum með að skapa sér færi því liðið sótti á vörn Fylkis þar sem hún er sterkust, fyrir miðju. Fylkir beitti skyndisóknum og fékk fjölmörg færi til að bæta við marki áður en Agnar Bragi stangaði hornspyrnu Finns Ólafssonar í netið á 31. mínútu. Tveir leikmenn Breiðabliks þurftu að fara af leikvelli vegna meiðsla í fyrri hálfleik og gerði það illt verra fyrir Breiðablik sem náði ekki að gera breytingar til að hressa upp á liðið. Arnar Már Björgvinsson kom inn á í hálfleik fyrir meiddan Árna Vilhjálmsson og komst tvisvar í vænlega stöðu til að senda fyrir en skorti gæði til að koma boltanum á hættu svæðið. Breiðablik var meira með boltann í seinni hálfleik og sótti mikið en líkt og í fyrri hálfleik náði liðið ekki að opna vörn Fylkis og voru því hvorki líklegir til að minnka muninn né hvað þá að jafna metin. Fylkir nýtti sér fámennið í vörn Breiðabliks undir lok leiksins þegar Viðar Örn Kjartansson skoraði fjórða mark Fylkis úr einu af fjölmörgum færum liðsins undir lok leiksins. Finnur Orri Margeirsson er eini leikmaður Breiðabliks sem komst vel frá sínu en liðið var sérstaklega úti á þekju varnarlega. Renee Troost átti líklega sinn versta leik á Íslandi og kemur verulega á óvart ef Elfar Freyr Helgason byrjar ekki næsta leik. Fylkir leit mjög vel út í leiknum. Liðið varðist vel og skyndisóknir liðsins voru beinskeyttar og öflugar. Liðið hefði hæglega getað nýtt nokkrar þeirra betur og unnið enn stærri sigur. Agnar Bragi: Gæði í okkar liði„Þetta byrjaði vel fyrir okkur og settum á þá mark en fengum annað strax í bakið sem kom okkur í opna skjöldu en við hættum ekki, héldum áfram og settum annað og fórum með forystu í hálfleik,“ sagði Agnar Bragi miðvörður Fylkis sem fór mikinn í kvöld. „Það eru gæði í okkar liði og við höfum sýnt það í seinni umferðinni og vonandi getum við lyft okkur enn ofar í töflunni. „Breiðablik náði ekki að finna þessar glufur sem þeir hafa verið að gera. Aftur á móti vorum við fastir fyrir og þéttir og andstæðingurinn spilar ekki betur en mótherjinn leyfir. Við erum á réttri braut. „Við spiluðum flottan fótbolta og sýndum samhug. Það eru fjórir leikir eftir og það er erfitt að falla úr þessu en við tökum bara einn leik fyrir í einu og stefnum á sigur í honum,“ sagði Agnar Bragi sem leið vel á blautum Kópavogsvelli. „Það var ekkert Flórídaveður en mér líður alltaf vel í rigningunni þannig að þetta var plús fyrir okkur í dag.“ Ólafur: Það var veisla fyrir Fylki að spila við okkur í dag„Ég er mjög svekktur með frammistöðu liðsins, spilamennskuna og hugarfarið. Úrslitin eru afleiðing af því sem við lögðum í leikinn og við lögðum engan vegin nóg í leikinn til að fá eitthvað út úr honum,“ sagði Ólafur Kristjánsson ómyrkur í máli eftir leikinn í kvöld. „Það var yfir alla línuna. Markmanninum var vorkun að þurfa að standa fyrir aftan hriplekt lið. Fram á við á vellinum gerðum við ekki það sem við töluðum um að gera, þ.e. að fara út í breiddina og teygja á þeim. Það var farið inn í trektina miðjuna allan leikinn og það var veisla fyrir Fylki að spila við okkur í dag. „Ég er vanur að finna einhverja jákvæða punkta en það er af svo mörgu að taka í hinum endanum, þ.e.a.s. hvað við gerðum illa að það yfirskyggir það sem við gerðum jákvætt. „Það er ekki tímapunktur að draga jákvæðu punktana fram því það er mjög alvarlegt hvernig við nálguðumst þennan leik og spiluðum þennan leik. Þetta er ekki okkur sæmandi eða því að vera að taka þátt í efstu deild. „Það geta alltaf orðið mistök og þú ferð ekki í gegnum heilan fótboltaleik án þess að gera mistök. Þetta er ekki spurning um að gera mistök eða ekki gera mistök þetta er spurningin hvernig þú bregst við mistökum. Í dag gerum við mistök já en við bregðumst mjög illa við þeim. Það er ekki félagi tilbúinn að bakka þig upp, menn eru ekki tilbúnir að rífa sig upp þegar þeir gera sjálfir mistök heldur fer hausinn niður í sandinn og er þar. „Við rífum okkur ekkert út úr þessu og hættum að taka ábyrgð á eigin frammistöðu, fara að benda á náungann og liðið molnar. Í lokin var orðið hörmung að sjá þetta. „Þetta er slakasta heildar frammistaða okkar í sumar og í langa tíma. Ég þarf að fara langt aftur til að finna svona hjá Breiðabliki undir minni stjórn. Ég man eftir leik á móti Víkingi 2011 sem var svipað afhroð. Þetta var okkur öllum til vansa,“ sagði Ólafur Kristjánsson að lokum.Mynd/Daníel Pepsi Max-deild karla Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Stjarnan handtekin á leiðinni á völlinn: „Hann er á leið í fangelsi“ Golf Efsti kylfingur á heimslista á yfir höfði sér fjórar ákærur Golf Í beinni: Valur - Grindavík | Úrslitin fara af stað Körfubolti Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Grín sem snerist mjög fljótt upp í alvöru Handbolti Upphafshöggi frestað vegna banaslyss skammt frá vellinum Golf Slot staðfestir að hann taki við Liverpool Enski boltinn Vill komast hjá því að afhenda City bikarinn Enski boltinn Fleiri fréttir Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira
Fylkir skellti Breiðabliki 4-1 í Kópavogi í kvöld í Pepsí deild karla í fótbolta. Fylkir var 3-1 yfir í hálfleik en staðan eftir átta mínútna leik var 2-1. Það tók Fylki aðeins 39. sekúndur að skora. Breiðablik mætti gjörsamlega sofandi til leiks og Kjartan Ágúst Breiðdal gekk á lagið. Breiðablik sýndi lífsmark í kjölfarið og jafnaði metin strax á 5. mínútu þegar vörn Fylkis tók sér sína einu pásu í leiknum og horfðu á Rohde skalla í markið. Þremur mínútum síðar var Kjartan Ágúst aftur að verki og Fylkir komið yfir á ný. Breiðablik var meira með boltann en sóknarleikur liðsins var bitlaus. Liðið náði lítið sem ekkert að nýta kantana og átti í miklum vandræðum með að skapa sér færi því liðið sótti á vörn Fylkis þar sem hún er sterkust, fyrir miðju. Fylkir beitti skyndisóknum og fékk fjölmörg færi til að bæta við marki áður en Agnar Bragi stangaði hornspyrnu Finns Ólafssonar í netið á 31. mínútu. Tveir leikmenn Breiðabliks þurftu að fara af leikvelli vegna meiðsla í fyrri hálfleik og gerði það illt verra fyrir Breiðablik sem náði ekki að gera breytingar til að hressa upp á liðið. Arnar Már Björgvinsson kom inn á í hálfleik fyrir meiddan Árna Vilhjálmsson og komst tvisvar í vænlega stöðu til að senda fyrir en skorti gæði til að koma boltanum á hættu svæðið. Breiðablik var meira með boltann í seinni hálfleik og sótti mikið en líkt og í fyrri hálfleik náði liðið ekki að opna vörn Fylkis og voru því hvorki líklegir til að minnka muninn né hvað þá að jafna metin. Fylkir nýtti sér fámennið í vörn Breiðabliks undir lok leiksins þegar Viðar Örn Kjartansson skoraði fjórða mark Fylkis úr einu af fjölmörgum færum liðsins undir lok leiksins. Finnur Orri Margeirsson er eini leikmaður Breiðabliks sem komst vel frá sínu en liðið var sérstaklega úti á þekju varnarlega. Renee Troost átti líklega sinn versta leik á Íslandi og kemur verulega á óvart ef Elfar Freyr Helgason byrjar ekki næsta leik. Fylkir leit mjög vel út í leiknum. Liðið varðist vel og skyndisóknir liðsins voru beinskeyttar og öflugar. Liðið hefði hæglega getað nýtt nokkrar þeirra betur og unnið enn stærri sigur. Agnar Bragi: Gæði í okkar liði„Þetta byrjaði vel fyrir okkur og settum á þá mark en fengum annað strax í bakið sem kom okkur í opna skjöldu en við hættum ekki, héldum áfram og settum annað og fórum með forystu í hálfleik,“ sagði Agnar Bragi miðvörður Fylkis sem fór mikinn í kvöld. „Það eru gæði í okkar liði og við höfum sýnt það í seinni umferðinni og vonandi getum við lyft okkur enn ofar í töflunni. „Breiðablik náði ekki að finna þessar glufur sem þeir hafa verið að gera. Aftur á móti vorum við fastir fyrir og þéttir og andstæðingurinn spilar ekki betur en mótherjinn leyfir. Við erum á réttri braut. „Við spiluðum flottan fótbolta og sýndum samhug. Það eru fjórir leikir eftir og það er erfitt að falla úr þessu en við tökum bara einn leik fyrir í einu og stefnum á sigur í honum,“ sagði Agnar Bragi sem leið vel á blautum Kópavogsvelli. „Það var ekkert Flórídaveður en mér líður alltaf vel í rigningunni þannig að þetta var plús fyrir okkur í dag.“ Ólafur: Það var veisla fyrir Fylki að spila við okkur í dag„Ég er mjög svekktur með frammistöðu liðsins, spilamennskuna og hugarfarið. Úrslitin eru afleiðing af því sem við lögðum í leikinn og við lögðum engan vegin nóg í leikinn til að fá eitthvað út úr honum,“ sagði Ólafur Kristjánsson ómyrkur í máli eftir leikinn í kvöld. „Það var yfir alla línuna. Markmanninum var vorkun að þurfa að standa fyrir aftan hriplekt lið. Fram á við á vellinum gerðum við ekki það sem við töluðum um að gera, þ.e. að fara út í breiddina og teygja á þeim. Það var farið inn í trektina miðjuna allan leikinn og það var veisla fyrir Fylki að spila við okkur í dag. „Ég er vanur að finna einhverja jákvæða punkta en það er af svo mörgu að taka í hinum endanum, þ.e.a.s. hvað við gerðum illa að það yfirskyggir það sem við gerðum jákvætt. „Það er ekki tímapunktur að draga jákvæðu punktana fram því það er mjög alvarlegt hvernig við nálguðumst þennan leik og spiluðum þennan leik. Þetta er ekki okkur sæmandi eða því að vera að taka þátt í efstu deild. „Það geta alltaf orðið mistök og þú ferð ekki í gegnum heilan fótboltaleik án þess að gera mistök. Þetta er ekki spurning um að gera mistök eða ekki gera mistök þetta er spurningin hvernig þú bregst við mistökum. Í dag gerum við mistök já en við bregðumst mjög illa við þeim. Það er ekki félagi tilbúinn að bakka þig upp, menn eru ekki tilbúnir að rífa sig upp þegar þeir gera sjálfir mistök heldur fer hausinn niður í sandinn og er þar. „Við rífum okkur ekkert út úr þessu og hættum að taka ábyrgð á eigin frammistöðu, fara að benda á náungann og liðið molnar. Í lokin var orðið hörmung að sjá þetta. „Þetta er slakasta heildar frammistaða okkar í sumar og í langa tíma. Ég þarf að fara langt aftur til að finna svona hjá Breiðabliki undir minni stjórn. Ég man eftir leik á móti Víkingi 2011 sem var svipað afhroð. Þetta var okkur öllum til vansa,“ sagði Ólafur Kristjánsson að lokum.Mynd/Daníel
Pepsi Max-deild karla Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Stjarnan handtekin á leiðinni á völlinn: „Hann er á leið í fangelsi“ Golf Efsti kylfingur á heimslista á yfir höfði sér fjórar ákærur Golf Í beinni: Valur - Grindavík | Úrslitin fara af stað Körfubolti Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Grín sem snerist mjög fljótt upp í alvöru Handbolti Upphafshöggi frestað vegna banaslyss skammt frá vellinum Golf Slot staðfestir að hann taki við Liverpool Enski boltinn Vill komast hjá því að afhenda City bikarinn Enski boltinn Fleiri fréttir Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira