Richard Gere skilinn

Leikarinn Richard Gere og eiginkona hans til ellefu ára, Carey Lowell, eru skilin. Parið hefur ekki sést opinberlega saman frá frumsýningu myndarinnar Arbitrage í fyrra.

Page Six flutti fyrst fréttir af skilnaði leikarans og hefur eftir heimildarmanni að hjónin hafi ekki búið saman um nokkra hríð.

„Þau eiga hús í Bedford og honum líkar vel að búa þar vegna þess að þar ríkir mikil kyrrð og ró. Henni þykir aftur á móti skemmtilegra að eyða tíma sínum í North Haven þar sem er meira um að vera,“ sagði heimildarmaðurinn.

Húsið í North Haven var sett á sölu í júlí og kostar litlar 8 milljarða króna.