Birkir til Sampdoria

Ítalska knattspyrnufélagið Sampdoria hefur tilkynnt á heimasíðu sinni að landsliðsmaðurinn Birkir Bjarnason sé orðinn leikmaður liðsins.

Birkir kemur til Sampdoria frá Pescara þar sem hann lék með liðinu sem lánsmaður frá Standard Liege í Belgíu á síðustu leiktíð. Pescara, sem féll úr efstu deild, keypti Birki í sumar en hefur nú selt hann til Genóaliðsins.

Birkir gekkst undir læknisskoðun í gær en fyrsti deildarleikur hans verður í grannaslag gegn Genóa þann 15. september.

Birkir verður í eldlínunni með íslenska landsliðinu í Sviss í vikunni. Liðin mætast í Bern á föstudaginn.