Danskur leikmaður fékk tilboð frá KR

KR-ingar hafa gert hinum 31 árs Klaus Lykke tilboð um að spila með liðinu í Pepsi-deildinni á næsta tímabili.

KR hefur bæði misst Bjarna Guðjónsson og Brynjar Björn Gunnarsson og leituðu til Lykke sem er samningslaus eftir að hafa spilað með AB í mörg ár.

Lykke er miðvallarleikmaður og ætlar að koma til Íslands á næstunni til að kanna aðstæður hjá KR.

„Þetta er stórt stökk fyrir mig en þetta gæti reynst mikið ævintýri,“ sagði Lykke við bold.dk en hann á einnig í viðræðum við dönsk félög. Hann reiknar með að taka ákvörðun á næstu 2-3 vikum.