Al-Thani mun ekki bera vitni

Ragnar Hall, lögmaður Ólafs Ólafssonar, eins aðaleiganda gamla Kaupþings, fer fram á að aðalmeðferð í svokölluðu al-Thani máli verði frestað. Hann lagði fram kröfu þess efnis við fyrirtöku málsins í dag.

Ástæðan er sú að ný gögn voru lögð fram í fyrirtökunni í dag. Það eru uppgjörssamningur al-Thanis við slitastjórn Kaupþings og endurrit af símtölum sem hleruð voru í Lúxemborg en sérstakur saksóknari telur að þessi gögn hafi ótvírætt sönnungargildi í málinu. Verði kröfu verjanda Ólafs hafnað mun aðalmeðferð hefjast 11. apríl.

Í fyrirtökunni í dag varð einnig ljóst að Sjeik Hammad Bin Kalifa al-Thani mun ekki gefa skýrslu, né heldur frændi hans sem var á vitnalista.