Katla María gefur út stuttskífu með metalsveit sinni

Viðtal við söngkonuna Kötlu Maríu Hausmann birtist á vefsíðunni Femmemetalwebzine á öðrum degi jóla en Katla ræðir þar um metalhljómsveit sína Lunainfea og nýja stuttskífu sveitarinnar.

Sveitin starfar á Ítalíu en hún er skipuð þeim Alessandro Rubin, Julian Nardi og Kaio Karras, auk Kötlu sem syngur.

Katla María var ung að árum þegar hún sló í gegn á Íslandi en vinsælasta lag hennar er án efa Ég fæ jólagjöf frá árinu 1980, sem enn þann dag í dag nýtur vinsælda. Katla er hvergi nærri hætt í tónlistinni en hlýða má á lagið Winter 85 hér að neðan. Í viðtalinu segir að lagið fjalli um barn sem upplifir snjóinn í fyrsta skipti.