Stórsigur hjá Real Madrid

Real Madrid komst í kvöld upp að hlið nágranna sinna í Atletico Madrid í spænsku úrvalsdeildinni. Leikmenn Real buðu þá til veislu gegn Almeria.

Yfirburðir Real í leiknum voru miklir. Það voru aðeins liðnar rúmar tvær mínútur af leiknum þegar Cristiano Ronaldo gaf tóninn fyrir sitt lið.

Það var reyndar eina mark fyrri hálfleik en í síðari hálfleik opnuðust allar flóðgáttir. Benzema, Bale, Isco og Morata bættu við mörkum og Real tók öll stigin.

Real Madrid er þar með komið í annað sæti deildarinnar með 34 stig eða sex stigum minna en topplið Barcelona. Atletico er einnig með 34 stig en hefur leikið einum leik færra.