Tonny Mawejje er verðmætasti leikmaður Pepsi-deildarinnar

Skrifstofa KSÍ hefur gefið út afreksstuðla leikmanna og hafa þeir verið uppfærðir á vef KSÍ. Þarna fara starfsmenn KSÍ eftir reglugerð KSÍ um félagaskipti, samninga og stöðu leikmanna og félaga.

Það er aðeins einn leikmaður í Pepsi-deild karla í fótbolta sem nær hæsta stuðli hjá KSÍ. Úgandamaðurinn Tonny Mawejje er með stuðulinn tíu og er því metinn á eina milljón króna.

Tonny Mawejje er 27 ára gamall miðjumaður sem var að spila sitt fimmta tímabil með Eyjaliðinu. Hann er landsliðsmaður Úganda og það skilar honum hæsta stuðli á listanum.

Menn eiga þrjá möguleika á því að ná stuðlinum tíu og fara þeir hér á eftir.

Stuðullinn er 10 fyrir leikmann sem er

29 ára eða yngri og hefur leikið

a.m.k. helming af A-landsleikjum Íslands undangengin 4 ár;

eða a.m.k. 20 A-landsleiki.

25 ára eða yngri og hefur leikið

a.m.k. helming af A-landsleikjum Íslands undangengin 3 ár;

eða a.m.k. 15 A-landsleiki.

22 ára eða yngri og hefur leikið

a.m.k. helming af A-landsleikjum Íslands undangengin 2 ár;

eða a.m.k. 10 A-landsleiki alls.

Sjö leikmenn ná stuðlinum sjö og eru tveir þeirra þegar farnir út í atvinnumennsku eða þeir Arnór Ingvi Traustason og Hólmbert Aron Friðjónsson. Hinir eru Andri Rafn Yeoman, Brynjar Gauti Guðjónsson, Emil Atlason, Kristján Gauti Emilsson og Sverrir Ingi Ingason.

Stuðullinn er 7 fyrir leikmann sem nær ekki 10 en er

30 ára og hefur leikið

a.m.k. helming af A-landsleikjum Íslands undangengin 4 ár;

eða a.m.k. 20 A-landsleiki.

29 ára eða yngri og hefur leikið

a.m.k. fjórðung af A-landsleikjum Íslands undangengin 4 ár;

eða a.m.k. 12 A-landsleiki.

25 ára eða yngri og hefur leikið

a.m.k. fjórðung af A-landsleikjum Íslands undangengin 3 ár;

eða a.m.k. 8 A-landsleiki.

22 ára eða yngri og hefur leikið

a.m.k. fjórðung af A-landsleikjum Íslands undangengin 2 ár;

eða a.m.k. 4 A-landsleiki;

eða hefur leikið a.m.k. helming af U21-landsleikjum Íslands undangengin 2 ár.

KSÍ birtir frétt um þetta á heimasíðu sinni þar sem fram kemur að mikilvægt sé  að forráðamenn félaga fari vandlega yfir stuðla leikmanna sinna. Í 18. grein reglugerðar KSÍ um félagaskipti, samninga og stöðu leikmanna og félaga kemur fram hvernig stuðlarnir eru reiknaðir en hana má sjá hér.

Leikmenn með stuðla 5, 7 og 10 hjá KSÍ:

Tonny Mawejje     ÍBV     10 (metinn á 1.000.000 krónur)

Andri Rafn Yeoman     Breiðablik     7  (metinn á 700.000 krónur)

Arnór Ingvi Traustason     Keflavík     7

Brynjar Gauti Guðjónsson     ÍBV     7

Emil Atlason     KR     7

Hólmbert Aron Friðjónsson     Fram     7

Kristján Gauti Emilsson     FH     7

Sverrir Ingi Ingason     Breiðablik     7

Almarr Ormarsson     Fram     5  (metinn á 500.000 krónur)

Arnar Darri Pétursson     Stjarnan     5

Atli Guðnason     FH     5

Atli Sigurjónsson     KR     5

Árni Snær Ólafsson     ÍA     5

Árni Vilhjálmsson     Breiðablik     5

Bjarni Ólafur Eiríksson     Valur     5

Björn Daníel Sverrisson     FH     5

Brynjar Ásgeir Guðmundsson     FH     5

Elfar Freyr Helgason     Breiðablik     5

Emil Pálsson     FH     5

Finnur Orri Margeirsson     Breiðablik     5

Guðmundur Kristjánsson     Breiðablik     5

Gunnar Þorsteinsson     ÍBV     5

Hannes Þór Halldórsson     KR     5

Jósef Kristinn Jósefsson     Grindavík     5

Kristinn Jónsson     Breiðablik     5

Matthías Vilhjálmsson     FH     5

Tómas Óli Garðarsson     Breiðablik     5

Það er hægt að sjá allan listann með því að smella hér.