Prófessorar funda vegna mála Jóns Baldvins og HÍ Jakob Bjarnar skrifar 4. september 2013 13:53 Rúnar Vilhjálmsson fundar nú, ásamt öðrum prófessorum, m.a. um mál Jóns Baldvins en því tengjast mikilvæg atriði er varða stöðu Háskólans. Prófessorar funda nú, meðal annars vegna mála Jóns Baldvins Hannibalssonar og Háskólans. Formaður þeirra, Rúnar Vilhjálmsson, segir að málið varði mikilvæg atriði og siðferðileg álitamál sem Háskólinn stendur frammi fyrir og hlýtur að taka afstöðu til. Mál Jóns Baldvins Hannibalssonar, eða sú ákvörðun Háskóla Íslands að draga til baka boð um að hann kæmi að kennslu sem gestakennari, er mikið hitamál sem flestir fjölmiðlar landsins hafa fjallað um. Sem dæmi má nefna að í leiðara stærsta dagblaðs landsins, Fréttablaðsins, segir Ólafur Þ. Stephensen ritstjóri þau svör sem komið hafa frá Háskóla Íslands ekki boðleg. Ólafur vísar þar til orða Daða Más Kristóferssonar, forseta Félagsvísindasviðs HÍ, þess efnis að það sé um friðinn að tefla. „Þau jafngilda því að segja að sé gagnrýni á ákvarðanir Háskólans nógu hávær, bakki skólinn út úr þeim burtséð frá efni málsins,“ skrifar Ólafur. Fundur félags prófessora við ríkisháskólann er nú yfirstandandi. Til fundarins var boðað áður en mál Jóns Baldvins komust í hámæli, en þau munu engu að síður verða til umfjöllunar undir dagskrárliðnum önnur mál. Rúnar Vilhjálmsson er formaður félagsins og hann segir að á fundinum verði lög fram gögn sem framkvæmdastjóri félagsins hefur tekið saman og lagt mat á þau. En félagið er bæði kjarafélag og fagfagfélag sem lætur sig málefni allra háskóla í landinu varða. Ekki er hægt að segja um það á þessu stigi hvort félagið sendi frá sér ályktun eftir fundinn. Rúnar segir tekist á um tvö sjónarmið: Hvort gera eigi einhverjar siðferðiskröfur til kennara á öllum skólastigum og jafnvel á háskólastiginu líka og hverjar þær eigi þá að vera; hvar eigi að draga mörk, hverjir eigi að setja þær reglur og hvernig eigi að fylgja þeim eftir? Og hitt sjónarmiðið segir að hér verði að gera greinarmun á óskildum málum. „Aðalatriði er þegar ráðnir eru kennarar að þeir hafi hæfni, þekkingu, getu til þess að fræða og þjálfa nemendur. Og að við verðum að geta umgengist hvert annað þó að við séum með einhverjar ávirðingar á bakinu vegna annarra hluta, á öðrum vettvangi og á öðrum tíma. Þarna eru þessi sjónarmið að glíma. Sumir leggja mikla áherslu á siðferðisþáttinn og fyrirmyndina sem kennarinn er. Jafnvel friðinn sem það skapi í háskólasamfélaginu, ef hann er ekki siðferðilega óflekkaður – hvað svo sem það þýðir? Svo eru aðrir sem benda þá á það á móti að ef við ætlum að siðbæta háskólann með þessum hætti verði kannski ekki margir eftir í mörgum deildum til að kenna, stunda rannsóknir. Hver á að meta og hvar drögum við mörkin?“ Spurður hvort ekki sé ljóst að akademían sé í klemmu vegna málsns segir Rúnar að þau sjónarmið hafi komið fram að þetta sé að einhverju leyti stormur í vatnsglasi, hvað það varðar að ekki sé um að ræða skriflegan samning sem var rift, heldur var þarna gert óformlegt samkomulag sem ekki gekk eftir.„En þetta tengist mjög mikilvægum málum sem lúta að því á hvaða forsendum við vegum og metum hvert annað í háskólasamfélaginu og hvernig við veljum fólk til starfa, almennt, hvort sem við erum að fastráða eða lausráða fólk. Þar koma þá inn í spurningar eins og um siðferðileg málefni og jafnvel bæði brotlega hegðun og ósiðsama hegðun og hvort hún eigi þá að skipta mál? Jafnvel tengist þetta umræðunni um það hvenær menn ljúka störfum eða er sagt upp, komi slíkt upp. Þannig að þarna eru stór mál á bak við.“ Mest lesið Játa frelsisviptingu og rán en hafna manndrápi Innlent Yfirmaður heraflans er á móti hernámi og vill semja Erlent Betra að borga tryggingarnar en að sitja uppi með allsherjartjón Innlent Persónulegar og átakanlegar lýsingar í ævisögu Giuffre Erlent Lögregla kölluð til vegna einstaklinga sem tjölduðu í skógarrjóðri Innlent Hættir hjá borgarstjóra og aðstoðar nú ráðherra Innlent Vilhjálmur í Smáríkinu ákærður fyrir að selja eina hvítvínsbelju Innlent Skýrslur teknar af tíu börnum undir sex ára á síðustu 20 árum Innlent Tíunda skotið klikkaði Erlent Þýska velferðarríkið standi ekki lengur undir sér Erlent Fleiri fréttir Vilhjálmur í Smáríkinu ákærður fyrir að selja eina hvítvínsbelju Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísar Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Sjá meira
Prófessorar funda nú, meðal annars vegna mála Jóns Baldvins Hannibalssonar og Háskólans. Formaður þeirra, Rúnar Vilhjálmsson, segir að málið varði mikilvæg atriði og siðferðileg álitamál sem Háskólinn stendur frammi fyrir og hlýtur að taka afstöðu til. Mál Jóns Baldvins Hannibalssonar, eða sú ákvörðun Háskóla Íslands að draga til baka boð um að hann kæmi að kennslu sem gestakennari, er mikið hitamál sem flestir fjölmiðlar landsins hafa fjallað um. Sem dæmi má nefna að í leiðara stærsta dagblaðs landsins, Fréttablaðsins, segir Ólafur Þ. Stephensen ritstjóri þau svör sem komið hafa frá Háskóla Íslands ekki boðleg. Ólafur vísar þar til orða Daða Más Kristóferssonar, forseta Félagsvísindasviðs HÍ, þess efnis að það sé um friðinn að tefla. „Þau jafngilda því að segja að sé gagnrýni á ákvarðanir Háskólans nógu hávær, bakki skólinn út úr þeim burtséð frá efni málsins,“ skrifar Ólafur. Fundur félags prófessora við ríkisháskólann er nú yfirstandandi. Til fundarins var boðað áður en mál Jóns Baldvins komust í hámæli, en þau munu engu að síður verða til umfjöllunar undir dagskrárliðnum önnur mál. Rúnar Vilhjálmsson er formaður félagsins og hann segir að á fundinum verði lög fram gögn sem framkvæmdastjóri félagsins hefur tekið saman og lagt mat á þau. En félagið er bæði kjarafélag og fagfagfélag sem lætur sig málefni allra háskóla í landinu varða. Ekki er hægt að segja um það á þessu stigi hvort félagið sendi frá sér ályktun eftir fundinn. Rúnar segir tekist á um tvö sjónarmið: Hvort gera eigi einhverjar siðferðiskröfur til kennara á öllum skólastigum og jafnvel á háskólastiginu líka og hverjar þær eigi þá að vera; hvar eigi að draga mörk, hverjir eigi að setja þær reglur og hvernig eigi að fylgja þeim eftir? Og hitt sjónarmiðið segir að hér verði að gera greinarmun á óskildum málum. „Aðalatriði er þegar ráðnir eru kennarar að þeir hafi hæfni, þekkingu, getu til þess að fræða og þjálfa nemendur. Og að við verðum að geta umgengist hvert annað þó að við séum með einhverjar ávirðingar á bakinu vegna annarra hluta, á öðrum vettvangi og á öðrum tíma. Þarna eru þessi sjónarmið að glíma. Sumir leggja mikla áherslu á siðferðisþáttinn og fyrirmyndina sem kennarinn er. Jafnvel friðinn sem það skapi í háskólasamfélaginu, ef hann er ekki siðferðilega óflekkaður – hvað svo sem það þýðir? Svo eru aðrir sem benda þá á það á móti að ef við ætlum að siðbæta háskólann með þessum hætti verði kannski ekki margir eftir í mörgum deildum til að kenna, stunda rannsóknir. Hver á að meta og hvar drögum við mörkin?“ Spurður hvort ekki sé ljóst að akademían sé í klemmu vegna málsns segir Rúnar að þau sjónarmið hafi komið fram að þetta sé að einhverju leyti stormur í vatnsglasi, hvað það varðar að ekki sé um að ræða skriflegan samning sem var rift, heldur var þarna gert óformlegt samkomulag sem ekki gekk eftir.„En þetta tengist mjög mikilvægum málum sem lúta að því á hvaða forsendum við vegum og metum hvert annað í háskólasamfélaginu og hvernig við veljum fólk til starfa, almennt, hvort sem við erum að fastráða eða lausráða fólk. Þar koma þá inn í spurningar eins og um siðferðileg málefni og jafnvel bæði brotlega hegðun og ósiðsama hegðun og hvort hún eigi þá að skipta mál? Jafnvel tengist þetta umræðunni um það hvenær menn ljúka störfum eða er sagt upp, komi slíkt upp. Þannig að þarna eru stór mál á bak við.“
Mest lesið Játa frelsisviptingu og rán en hafna manndrápi Innlent Yfirmaður heraflans er á móti hernámi og vill semja Erlent Betra að borga tryggingarnar en að sitja uppi með allsherjartjón Innlent Persónulegar og átakanlegar lýsingar í ævisögu Giuffre Erlent Lögregla kölluð til vegna einstaklinga sem tjölduðu í skógarrjóðri Innlent Hættir hjá borgarstjóra og aðstoðar nú ráðherra Innlent Vilhjálmur í Smáríkinu ákærður fyrir að selja eina hvítvínsbelju Innlent Skýrslur teknar af tíu börnum undir sex ára á síðustu 20 árum Innlent Tíunda skotið klikkaði Erlent Þýska velferðarríkið standi ekki lengur undir sér Erlent Fleiri fréttir Vilhjálmur í Smáríkinu ákærður fyrir að selja eina hvítvínsbelju Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísar Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Sjá meira