Kvenskælingar gera góðverk

„Við hjá MND félaginu erum svo lánsöm að njóta aðstoðar þessara dugnaðarunglinga þriðja árið í röð," segir Guðjón Sigurðsson formaður MND-félagsins.

Þriðjudaginn 5. mars fer árlegur góðgerðardagur Kvennaskólans í Reykjavík fram. Hver bekkur skólans leggur þá líknarfélagi lið yfir daginn á einn eða annan hátt. Forráðamenn MND-félagsins er afar þakklátt Kvenskælingum fyrir hlýhug sinn undanfarin ár.

Í ár munu nemendurnir aðstoða við söfnun á „laser penna" fyrir sjúkraþjálfun á spítalanum í Fossvogi en penninn er notaður til að vinna á bólgum og sársauka. Nemendur munu einnig dreifa 20 ára afmælisriti félagsins til ráðamanna í borgarstjórn, á Alþingi og í velferðarráðuneytinu.

Árið 2010 söfnuðu nemendur Kvennaskólans fé til kaupa á loftlyftukerfi fyrir Landspítalann til gönguæfinga auk þess sem sjónvarp var keypt fyrir sameiginlegt rými á Taugalækningadeild LSH.

Hægt er að fylgjast með söfnuninni á Fésbókarsíðu sem Kvenskælingar hafa komið á fót, sjá hér.