Vissi ekkert hvað ég var að fara út í

Jón Aron Óskarsson, 22 ára smiður, var í sakleysi sínu á röltinu í miðbæ Reykjavíkur rétt fyrir verslunarmannahelgina þegar honum var boðið til Eyja á Þjóðhátíð með öllu. Við heyrðum stuttlega í Jóni sem er greinilega þrælheppinn maður.

„Ég var á rölti niður Laugaveginn með vini mínum þegar einhver gaur í Doritos bol labbaði upp að okkur og sagði að það væri fjögurra daga ferð eitthvað en bara einn miði og að það væri bíll hjá Kolaportinu og flugvél úti á velli," svarar Jón spurður hvernig það kom til að hann ákvað á núll einni að fara til Vestmannaeyja.

Þurfti bara tannburstann

„Við vinirnir tókum „blað, skæri, steinn" upp á það hvor okkarmyndi fara og ég stóð uppi sem sigurverari. Þá kom í ljós að þetta væri ferð til Eyja og það væri allt tilbúið og allt innifalið. Eina sem ég þurfti að hafa með var tannburstinn minn og að við værum bara að fara strax."

Hér má sjá ævintýrið frá upphafi til enda: 

Vissi ekkert hvað hann var að fara út í

Hvernig datt þér í hug að láta slag standa? „Ég ákvað að fara vegna þess að ég var bara búinn að plana að vera á Innipúkanum en var ekki alveg að nenna því samt svo ég kýldi á þetta þó ég vissi ekkert hvað ég var að fara út í."

Hvernig var svo helgin? „Upplifunin var bara geggjuð. Brekkan á hverju kvöldi og bilað stuð allan tíman. Ég vil fá að nota tækifærið og þakka Doritos fyrir geggjaða ferð til Eyja. Ég fer bókað aftur á næsta ári og næstu árin."