Fann ástina í meðferð

Partípían Lindsay Lohan er nýbúin í þriggja mánaða meðferð í Kaliforníu en hún ku hafa fundið ástina á meðferðarstöðinni Cliffside Malibu.

Lindsay, sem er 27 ára, fann ástina í örmum 23ja ára karlmanns sem var í meðferð á sama tíma og hún.

“Þau byrjuðu að kyssast á fyrsta eða öðrum degi hennar í meðferð og þau héldu því áfram. Allir í meðferðinni vissu að þau væru að deita. Það var mjög augljóst,” segir heimildarmaður vefsíðunnar RadarOnline. Hinum sjúklingunum fannst þetta mjög óþægilegt og það varð til þess að maðurinn var beðinn um að yfirgefa stöðina enda ekki leyfilegt að stofna til ástarsambanda í meðferðinni. Lindsay og hann eru þó enn að hittast.

“Þau eru enn saman. Þau fara á fundi saman. Hún talar við hann á hverjum degi.”

Dragðu Tarotspil dagsins hér.