Sean er hennar sanna ást

Leikkonan Debi Mazar og söngkonan Madonna hafa verið vinkonur síðan þær hittust í lyftu á níunda áratugnum. Debi tjáði sig um vinkonu sína í þættinum Watch What Happens: Live with Andy Cohen.

Debi sagði í viðtalinu að ástin í lífi Madonnu væri enn Sean og þó hún vildi ekki staðfesta að hún meinti leikarann Sean Penn þá má draga þá ályktun. Madonna sagði sjálf í heimildarmyndinni Truth or Dare frá árinu 1991 að Sean væri sín eina, sanna ást í lífinu.

Sean og Madonna giftu sig árið 1985 og var fjögurra ára hjónaband þeirra afar stormasamt. Sean drakk ótæpilega á þessum tíma og kærði Madonna hann meðal annars til lögreglu í eitt skiptið fyrir árás sem átti að hafa staðið yfir í níu klukkutíma. Þá batt hann hana einu sinni við stól og gekk í skrokk á henni. Enn annað skiptið réðst hann á hana með hafnaboltakylfu. Þrátt fyrir þetta eru þau ágætis vinir í dag.

Dragðu Tarotspil dagsins hér.