Kanye ætlar ekki að biðja Kim

Tónlistarmaðurinn Kanye West eyðir nú gæðatíma með sinni heittelskuðu, raunveruleikastjörnunni Kim Kardashian, og dóttur þeirra North í Los Angeles eftir vinnutörn í Mílanó.

North kom í heiminn fyrir rúmum mánuði og mikið hefur verið slúðrað um að Kanye ætli að biðja Kim. Það er ekki rétt enda er Kim ekki tilbúin að gifta sig í þriðja sinn. Hún gekk fyrst í það heilaga með tónlistarmógúlnum Damon Thomas árið 2000 en þau skildu árið 2004. Árið 2011 giftist hún síðan körfuboltamanninum Kris Humphries og þó að hjónabandið hafi aðeins enst í 72 daga er stutt síðan skilnaðurinn gekk í gegn.

“Þetta myndi verða þriðja hjónaband Kim og Kris, móðir hennar, trúir ekki að vörumerki Kardashian-fjölskyldunnar myndi þola annan skilnað. Kris yrði mjög ánægð ef þau myndu aldrei gifta sig,” segir vinur fjölskyldunnar.

Dragðu Tarotspil dagsins hér.