Byrjaður með stílistanum

Grínistinn Russell Brand lét fara vel um sig í Hollywood í síðustu viku með dökkhærðri konu. Nú hefur komið á daginn að þessi dökkhærða kona er Nicola Schuller, stílisti Russells til tíu ára.

“Nicola hefur verið góð vinkona Russells í mörg ár og gat hann grátið á öxl hennar þegar hann skildi við Katy Perry og alltaf þegar hann hefur hætt með konum. En sambandið hefur þróast í meira en vináttu síðustu vikur. Að þau hafi verið að kyssast á almannafæri segir meira en mörg orð,” segir vinur spéfuglsins.

Nicola á eitt barn úr fyrra sambandi en Russell lét einmitt hafa eftir sér fyrir stuttu að hann vildi festa ráð sitt og stofna fjölskyldu fljótlega.

Dragðu Tarotspil dagsins hér.