Óeirðir í Kairó

Einn var drepinn og 15 manns slösuðust þegar ráðist var gegn stuðningsmönnum hins afsetta forseta Mohamed Mursi sem safnast höfðu saman við háskólann í Kairó nú snemma í morgun.

Lögreglan skaut táragasi á mannfjöldann en fjöldi bíla á svæðinu var eyðilagður og lagður að þeim eldur. Að sögn lögreglu sló í brýnu milli stuðningsmanna Mursi og íbúa á staðnum. Í gær lést einn í átökum og 20 slösuðust í átökum í miðborg Kairó. Alls hafa 100 manns fallið í átökum í Egyptalandi eftir að Mursi var steypt af stóli 3. júlí.