Amanda Palmer vandar Daily Mail ekki kveðjurnar

Breska slúðurblaðið Daily Mail birti á dögunum myndir af söngkonunni Amöndu Palmer, af tónleikum hennar á Glastonbury hátíðinni í Bretlandi undir yfirskriftinni Making a boob of herself.

Söngkonan er hluti tvíeykisins Dresden Dolls, en hefur einnig átt mikilli velgengni að fagna á sóló-ferli sínum.

Myndirnar tala sínu máli, en þar sést vel í brjóst söngkonunnar góðkunnu á sviðinu.

Amanda Palmer hefur nú svarað fyrir sig og birt opið bréf til Daily Mail. Hún samdi einnig lag um slúðurmiðilinn.

Í myndbandinu sem fylgir af Palmer að flytja lagið fer hún úr öllum fötunum, og kallar ritstjórn Daily Mail meðal annars hóp kvenhatandi hálfvita.