Fabregas vill staðfestingu á mikilvægi sínu hjá Barcelona

Cesc Fabregas, leikmaður Barcelona er sagður ætla að hitta Gerardo Martino, nýráðinn knattspyrnustjóra Barcelona í vikunni í þeim tilgangi á að fá staðfestingu á mikilvægi sínu hjá liðinu.

Mikið hefur verið talað um möguleg vistaskipti Fabregas í sumar og hafa Manchester United til að mynda boðið í leikmanninn.

Varaforseti Barcelona sagði á dögunum að það væri ekki möguleiki á því að Fabregas yrði seldur frá félaginu en nú vill Fabregas fá að vita hversu stórt hlutverk hann mun fá hjá félaginu næsta vetur áður en hann ákveður framtíð sína.