Spánarsnigill fannst í Hveragerði

Hinn illvígi spánarsnigill hefur nú fundist í Hveragerði, en hann getur orðið allt að 15 sentímetra langur og eyrir engum gróðri.

Spánarsniglar fundust fyrst í Reykjavík og Kópavogi árið 2003 og síðan hefur snigillinn fundist í Ólafsfirði, í Hnífsdal, Höfn í Hornafirði, Hofsósi, Mosfellsbæ, Heimaey og á Akranesi, þannig að segja má að hann hafi borist um allt land.

Talið er að hann berist hingað til lands með innfluttum plöntum og jarðvegi í blómapottum.

Á vef Náttúrufræðistofnunar segir að spánarsnigillinn eigi að líkindum eftir að reynast eitt mesta meindýr sem við höfum borið með okkur til landsins.