Nýta sér ferðamannastrauminn

Styrktarfélagið Blái naglinn hóf í gær söfnunarátak til kaupa á nýjum línuhraðli fyrir geislameðferð krabbameinssjúklinga. Félagið ætlar í ár að leggja áherslu á að nálgast erlenda ferðamenn og selja þeim brjóstnæluna Pin of hope.

Söfnunarátaki Bláa naglans var hrundið af stað í fyrsta sinn í fyrra, félagið var stofnað til að vekja athygli á krabbameini í blöðruhálskirtli karla.  Jóhannes Reynisson, stofnandi félagsins, ákvað að reyna að nýta aukinn ferðamannastraum til landsins í söfnuninni í ár, en 40 þúsund nælum verður dreift á hótel og bílaleigur þar sem þær verða seldar í sumar.

Til að hvetja erlenda ferðamenn til að kaupa barmnæluna verður eitt birkitré gróðursett í Hekluskógum fyrir hverja nælu sem seld verður sem verður, en nælan kostar 1.500 krónur.

Konur hafa um nokkurt skeið haft Bleiku slaufuna sem einkennandi tákn fyrir baráttuna gegn leghálskrabbameini, og á Blái naglinn á að verða tákn vitundarvakningar karlmanna með krabbamein - bæði hér á Íslandi og annars staðar.

Blöðruhálskrabbamein er algengasta krabbamein á Íslandi, en að sögn Jóhannesar þarf að ríkja meiri jöfnuður í rannsóknum krabbameins hér á landi. 200 karlmenn greinast með krabbameinið á ári, og 50 látast af völdum þess.

Nánari upplýsingar um söfnunina er að finna á heimasíðu Bláa naglans.