Bátur með níu manns innanborðs strandaði

Björgunarsveitir á norðanverðu Snæfellsnesi voru kallaðar út á ellefta tímanum í morgun eftir að 130 tonna í kræklingavinnslu strandaði við Skoreyjar á Breiðafirði.

Þrír björgunarbátar voru sendir á strandstað. Jónas Guðmundsson, hjá Landsbjörgu, segir að vel hafi gengið að bjarga mönnunum níu um borð í einn af björgunarbátunum og siglt verði með þá til Stykkishólms.

Tveir björgunarbátur eru enn á strandstað. Mikill straumur er á svæðinu og aðstæður erfiðar.

Ekki liggur fyrir hvort að báturinn hafi skemmst mikið við strandið.