Ásdís Hlökk nýr forstjóri Skipulagsstofnunar

Umhverfis – og auðlindaráðherra hefur skipað Ásdísi Hlökk Theodórsdóttir forstjóra Skipulagstofnunar til næstu fimm ára.

Ásdís var skipulagsstjóri við Skipulagsstofnum frá 2004 – 2005 og aðstoðarskipulagsstjóri frá árinu 2008. Þá starfaði hún hjá ráðgjafafyrirtækinu Alta á árunum 2005 – 2008. Frá 2007 hefur hún starfað við Háskólann í Reykjavík sem aðjúnkt og námsbrautarstjóri meistaranáms á sviði umferðar og skipulags.

Ásdís Hlökk nam skipulagsfræði við háskólann í Reading á Englandi og útskrifaðist þaðan með meistaragráðu. Hún hefur einnig lagt stund á doktorsnám í skipulagsfræðum við Kungl Tekniska Högskolan í Stokkhólmi meðfram störfum sínum. Ásdís Hlökk er gift Bolla Þórssyni lækni og eiga þau tvo syni.