Innlent

Var með bílpróf í nokkrar mínútur

Það var heldur stutt gamanið hjá unga ökumanninum sem lögreglan stöðvaði á höfuðborgarsvæðinu á dögunum.

Í orðsendingu frá lögreglunni segir að ökumaðurinn hafi verið í sinni allra fyrstu ökuferð, en hann hafði öðlast ökuréttindi nokkrum mínútum áður en lögreglan stóð hann fyrir hraðakstur.

Bíll ökumannsins mældist á tæplega 120 km hraða þar sem leyfður hámarkshraði er 60.

„Fátt var um svör þegar spurt var um aksturslagið, en vonandi lærir ungi ökumaðurinn sína lexíu og kemur aftur í umferðina sem betri ökumaður.

Hann fær nú tíma til að hugsa ráð sitt, en bæði svipting og sekt liggur við hraðakstri af þessu tagi,“ segir í tilkynningu frá lögreglu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.