Gillz: Ekki til hommafóbía í okkur félögunum

Auðunn Blöndal, Egill Einarsson og félagar ætla á næstu dögum að sækja í annað sinn um styrk til Kvikmyndasjóðs Íslands. Ætlunin er að framleiða íslenska kvikmynd sem byggð er á söguþræðinum sem sjá má í meðfylgjandi myndskeiði eða svokölluðum trailer sem þeir gerðu ásamt einvala liði.

Við spurðum Egil hvernig honum líkaði að leika á móti Auðunni í senunni sem sést í myndskeiðinu.

Leið vel í tökum upp í rúmi

„Það var mjög gaman að gera þennan trailer. Það var síður en svo vandræðalegt eða óþægilegt að taka upp kynlífsatriðið með Auðunni Blöndal. Það er ekki til hommafóbía í okkur félögunum þannig okkur leið mjög vel saman þarna nöktum upp í rúmi," segir Egill eða Gillz öllu heldur.