Leitin að Önnu Kristínu engan árangur borið

Leitin að Önnu Kristínu Ólafsdóttur sem hefur verið saknað frá því á fimmtudagskvöld hefur engan árangur borið.

Þetta er þriðji dagurinn sem leitað er að henni, en allt að hundrað manns hafa komið að leitinni sem að mestu hefur farið fram í vestubænum skammt frá heimili hennar. Björgunarsveitarmenn hafa leitað í görðum í vesturbænum og farið hefur verið eftir öllum ábendingum sem hafa borist. 

Bátar frá björgunarsveit Landsbjargar og kafarar frá björgunarsveitunum, lögreglu og slökkviliði leituðu í sjónum við Ægissíðuna í gærdag en án árangurs.

Í morgun var enn ítarlegri leit gerð í sjónum þar sem stuðst var við rafstýrðan köfunarbát  með neðansjávarmyndavél á sama svæði. Gerð verður frekari leit þegar háfjara verður um þrjú leytið við Ægissíðuna.