Hættur við að hætta

Kristján Hauksson, sem gekk fyrr í mánuðinum frá starfslokasamningi við Fram í Pepsi-deild karla, er á leið í æfingaferð með Fylki.

Kristján, sem verið hefur fyrirliði Fram undanfarin ár, segist í samtali við Fótbolta.net hafa komist að því að hann væri ekki tilbúinn að hætta knattspyrnuiðkun eftir allt saman.

,,Ég fann að ég var ekki tilbúinn að hætta svo ég byrjaði að æfa aftur," sagði Kristján við Fótbolta.net.

Kristján er 27 ára gamall en Fylkismenn eru í miðvarðarleit til að fylla skarð David Elebert. Þá lagði Þórir Hannesson skóna á hilluna á dögunum vegna þrálátra meiðsla.