Innlent

Sagt löglegt að kaupa steininn

Kolbeinn Tumi Daðason skrifar
Davíð Örn ásamt sambýliskonu sinni Þóru Björgu Birgisdóttur.
Davíð Örn ásamt sambýliskonu sinni Þóru Björgu Birgisdóttur.
„Hefði ég vitað að kaupin væru ólögleg hefði ég aldrei keypt steininn. Leiðsögumaðurinn okkar varaði aldrei við við þessu," sagði Davíð Örn Bjarnason við yfirheyrslur síðastliðinn föstudag. Íslendingurinn 28 ára situr í fangelsi í Antalya í Tyrklandi grunaður um fornminjasmygl.

Í yfirlýsingu Davíðs Arnar sem fréttastofu hefur borist frá ræðismanni Íslands í Ankara, Dr. Selim Sarıibrahimoğlu, lýsir Davíð atburðarásinni sem varð til þess að hann ákvað að kaupa steininn.

„Ég keypti marmarasteininn af konu sem hafði þá til sýnis nærri Aspendos og greiddi henni 30 evrur fyrir. Hún sagði mér að steinninn heyrði til fornminja. Þegar ég spurði hana hvort það væri löglegt að kaupa steininn þá sagði hún svo vera. Ég keypti steininn í þeirri trú að kaupin væru lögleg og vegna áhuga míns á steinum en ég starfa við að innrétta hús," segir Davíð Örn. Hann hefur setið í fangelsi frá því á föstudaginn en enginn ættingja hans eða vina hafa heyrt frá honum síðan.

„Hefði ég vitað að kaupin væru ólögleg hefði ég aldrei keypt steininn. Leiðsögumaðurinn okkar varaði aldrei við við þessu."


Tengdar fréttir

Reynir að fá Davíð Örn lausan

Ræðismaður Íslands í Ankara í Tyrklandi, Selim Sariibrahimoglu, ætlar að beita sér fyrir því í dag að Davíð Erni Bjarnasyni verði sleppt úr fangelsi. Þetta kemur fram á vef Rúv.

Tókst ekki að leysa Davíð úr haldi í gær

Davíð Örn Bjarnason situr enn í fangelsi í Tyrklandi grunaður um smygl á fornminjum og enginn veit hvort eða hvenær hann verður látinn laus. „Ég er búin að missa hann,“ segir kærastan eftir að hann fékk nýjan lögmann á vegum yfirvalda.

Davíð mögulega laus gegn tryggingargjaldi

"Samkvæmt upplýsingum sem við höfum fengið frá dómstólum verður Davíð mögulega látinn laus gegn tryggingagjaldi. Frú Zeynep mun biðla til dómarans að málið verði tekið fyrir eins fljótt og mögulegt er," segir Dr. Selim Sarıibrahimoğlu, ræðismaður Íslands í Ankara, í skriflegu svari við fyrirspurn Vísis.

Halim Al gæti hugsanlega hjálpað

"Málið verður víst ekki tekið fyrir í dag. Þeir vita ekkert hvenær málið verður tekið fyrir. Það er búið að taka þá úr málinu. Þetta lítur verr út með hverjum deginum," segir Þóra Björg Birgisdóttir.




Fleiri fréttir

Sjá meira


×