Björk á fimmtán risaskjám á Times Square

Tónlistarmyndband Bjarkar við lagið Mutual Core var valið til spilunar á Times Square í New York sem hluti af stafrænu listasýningunni Midnight Moment.

Myndbandið var framleitt af Sagafilm og tekið hér á landi, og á hverju kvöldi mun það vera spilað yfir fimmtán risaskjám samtímis á torginu rétt fyrir miðnætti út marsmánuð.

Í hverjum mánuði er nýtt myndband eða vídeólistaverk sýnt á slaginu 23:57, og var myndband Bjarkar valið framlag marsmánaðar, en sérstök útgáfa var gerð af myndbandinu fyrir sýninguna.

Í meðfylgjandi myndskeiði má sjá hvernig verkið tekur sig út á torginu.