Gæti orðið glórulaus bylur undir Eyjafjöllum

Undir Eyjafjöllum og í Mýrdal er spáð hríðarveðri seint í kvöld og áfram í fyrramálið. A 15-20 m/s og síðar 20-25 m/s og því gætir orðið glórulaus bylur á þeim slóðum. Þetta kemur fram í tilkynningu frá Vegagerðinni í kvöld.

Seint í kvöld fer vindur aftur vaxandi. Áfram él norðan- og norðaustanlands.

Norðvestantil fer skafrenningur innvaxandi í kvöld og skyggni versnar á nýja leik á Vestjörðum, í Dölum, á Ströndum og víða vestantil á Norðurlandi og við utanverðan Tröllaskaga. Undir Eyjafjöllum og í Mýrdal er spáð hríðarveðri seint í kvöld og áfram í fyrramálið. A 15-20 m/s og síðar 20-25 m/s og því gætir orðið glórulaus bylur á þeim slóðum. Einnig er spáð hríðarveðri á Suðurstrandarvegi og við Grindavík frá því seint í nótt. Óvissa er talsverð um það hve vel inn á land hríðin kemur til með að ná sunnanlands.

Færð og aðstæður

Vegir eru að mestu leiti auðir á Suðurlandi, hálkublettir og éljagangur eru undir Eyjaflöllum. Á Vesturlandi er hálka eða hálkublettir nokkuð víða, él og skafrenningur. Hálkublettir eru á Bröttubrekku en hálkublettir og éljagangur á Holtavörðuheiði. Þungfært og skafrenningur er á Fróðárheiði.

Slæmt ferðaveður er á Vestfjörðum. Ófært og stórhríð er um Klettsháls. Hálka og skafrenningur er á Mikladal, Hálfdán og Kleifaheiði. Þungfært og stórhríð er á Steingrímsfjarðarheiði en þæfingur og stórhríð á Þröskuldum. Hálka og skafrenningur er á Gemlufallsheiði, Önundarfirði og Súgandafirði en hálkublettir eða hálka og éljagangur er í Ísafjarðardjúpi og á Innstrandavegi.

Á Norðanverður landinu er hálka, snjóþekja og skafrenningur og allir vegir færir fyrir vetra búna bíla. Á Austurlandi er þæfingsfærð og skafrenningur á Fjarðarheiði. Hálka og éljagangur er á Oddsskarði en snjóþekja á Fagradal annars er víða þæfingur eða snjóþekja og skafrenningur á Héraði. Hálkublettir eru frá Fáskrúðsfirði í Djúpavog. Vegir eru auðir á Suðausturlandi.