Strætó í hremmingum

Öllum ferðum Strætó, bæði innan höfuðborgarsvæðisins og utan, hefur verið aflýst í augnablikinu vegna veðurs og færðar. Skoðað verður með akstur næst klukkan hálfeitt. Einnig hefur Ferðaþjónusta fatlaðra í Reykjavík hætt akstri. Á vefsíðu Strætó kemur fram að unnið verður í því eins og hægt er að koma þeim heim sem fóru af stað í morgun.

Leið sex, sem er leiðin upp í Grafarvog, lenti í nokkrum hremmingum í morgun. Pjetur Sigurðsson ljósmyndari á Fréttablaðinu og Vísi tók meðfylgjandi myndskeið.