Opið í Skálafelli og Bláfjöllum

Í dag er fyrsti opnunardagur í Skálafelli þennan veturinn en þar, og í Bláfjöllum, opnaði núna klukkan tíu og verður opið til fimm í dag.

Í tilkynningu segir að á báðum stöðum sé mikið af nýjum snjó og mjög gott veður. Hins vegar gæti farið að blása seinnipartinn og því væri sniðugt fyrir fólk að mæta í fyrra fallinu.

Þá segir að á báðum stöðum sé skíða- og brettaleiga ásamt veitingasölu. Í Bláfjöllum verður boðið uppá Skíða- og Brettaskóla kl. 11-15. Skráning í skólann er á netfanginu midar@skidasvaedi.is. Þá á göngubraut að vera tilbúin í Bláfjöllum núna uppúr klukkan tíu.