Fengu ný gögn í Geirfinnsmálinu

Í byrjun janúar bárust starfshópi innanríkisráðuneytis um Guðmundar- og Geirfinnsmál enn skjöl sem tengjast rannsókn málanna.

Um er að ræða talsvert af gögnum frá lögreglu sem höfðu verið í vörslu Þjóðskjalasafns Íslands. Að hluta til eru þetta gögn sem starfshópurinn hafði ekki haft undir höndum og stendur frekari úrvinnsla þeirra nú yfir.

Starfshópnum er ætlað að skila lokaskýrslu til innanríkisráðherra um miðjan febrúar 2013. Of snemmt er að segja til um hve mikil áhrif framangreind gögn muni hafa á framvindu vinnu starfshópsins, að því er segir á vefsíðu stjórnarráðsins.