Hjúkrunarfræðingar flýja þrjú svið Landspítalans

Uppsagnir hjúkrunarfræðinga á Landspítalanum einskorðast við þrjú svið spítalans. Þar er um að ræða skurðlækningasvið, lyflækningasvið og kvenna- og barnasvið.

Eins og fram hefur komið hafa 280 hjúkrunarfræðingar sagt upp störfum af þeim 752 sem þar starfa. Það eru um 37% af heildarfjölda hjúkrunarfræðinga á Landspítalanum. Flestar uppsagnirnar eru á skurðlækningasviði en þar hafa 168 af þeim 398 hjúkrunarfræðingum sem þar starfa, sagt upp störfum. Það er um 42% af starfandi hjukrunarfræðingum á sviðinu.

Á lyflækningasviði hafa 83 af 442 hjúkrunarfræðingum sagt upp störfum, eða 19% af starfandi hjúkrunarfræðingum á sviðinu. Á kvenna og barnasviði hafa 29 af 170 hjúkrunarfræðingum sagt upp, eða um 17% af starfandi hjúkrunarfræðingum á sviðinu.

Á bráðasviði og á geðsviði hafa engir hjúkrunarfræðingar sagt upp störfum.

Eins og fram hefur komið taka flestar uppsagnir gildi þann 1. mars næstkomandi.