Spielberg í góðum málum

Leikstjórinn Steven Spielberg þénaði mest allra karlmanna á síðasta ári í skemmtanabransanum, ef marka má lista Forbes. Hinn 66 ára gamli Spielberg þénaði 100 milljónir dollara, sem er 5 milljónum dollara meira en næstu menn, en Simon Cowell og Howard Stern sitja saman í öðru sæti listans. Í fjórða sæti listans er James Patterson sem þénaði 91 milljón dollara.



Söngkonan Madonna er eina manneskjan sem slær Spielberg við í innkomu í þessum geira, en hún þénaði um 125 milljónir dollara á síðasta ári. Spielberg leikstýrði Lincoln en hún var ein vinsælasta kvikmynd síðasta árs og er talin hafa þénað um 275 milljónir dollara á síðasta ári. Fleiri kvikmyndir sem Spielberg er þekktur fyrir eru Jurassic Park, Schindler´s List og Catch Me If You Can, ásamt mörgum fleiri.