Færri flytja úr landi

Dregið hefur úr fólksflutningum frá Íslandi samkvæmt nýjum tölum frá Hagstofunni. Enn fara flestir Íslendingar til Noregs en flestir erlendir ríkisborgarar flytja til Póllands.

Í góðærinu streymdi fólk til Íslands en árið 2009 flutti fólk til útlanda í stórum stíl. Þeim sem flytja brott hefur fækkað síðan ár frá ári og í fyrra voru aðfluttir umfram brottflutta aðeins 319.

Sem fyrr er það Noregur sem helst heilla þá sem flytja frá Íslandi. Flestir brottfluttra á síðasta ári fluttu þangað, en þó færri en áður.

Þróunin þar er því í takt við heildarþróunina, færri flytja út í heildina, og færri flytja til Noregs.

Flestir þeirra sem fluttu til landsins á síðasta ári komu frá nágrannalöndum okkar, Noregi, Danmörku og Svíþjóð.

Á sama tíma fluttu flestir erlendir ríkisborgarar til Póllands, eða 740 af alls um 2200. Þetta er nokkur fækkun frá síðasta ári þegar héðan fluttu þúsund manns til Póllands.